МОЛИТВА ГОСПОДНЯ.

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

ПЕСНЬ ПРЕСВЯТОЙ БОГОРОДИЦЕ.

Богородице, Дево, радуйся! Благодатная Марие, Господь с тобою! Благословенна Ты в женах и благословен плод чрева Твоего, яко Спаса родила еси душ наших.

Тропарь о болящих, Глас 4:

Скорый в заступлении Един сый, Христе, скорое свыше покажи посещение страждущим рабом Твоим, и избави от недуг и горьких болезней, и воздвигни во еже пети Тя и славити непрестанно, молитвами Богородицы, Едине Человеколюбче.

Кондак о болящих, Глас 2:

На одре болезни лежащих и смертною раною уязвленных, якоже иногда воздвигл еси, Спасе, Петрову тещу, и расслабленнаго на одре носимаго, сице и ныне, Милосерде, страждущих посети и исцели: Ты бо Един еси недуги и болезни рода нашего понесый, и вся могий, яко Многомилостив.

Молитва об исцелении больного младенца

О Премилосердый Боже, Отче, Сыне и Святый Душе, в нераздельней Троице поклоняемый и славимый, призри благоутробно на младенца Твоего (имя), болезнию одержимаго; отпусти ему вся согрешения его; подай ему исцеление от болезни; возврати ему здравие и силы телесныя; подай ему долгоденственное и благоденственное житие, мирные Твоя и премирные блага, чтобы он вместе с нами приносил благодарные мольбы Тебе, Всещедрому Богу и Создателю нашему.

Пресвятая Богородица, всесильным заступлением Твоим помоги мне умолить Сына Твоего, Бога моего, об исцелении младенца (имя).

Все святые и ангелы Господни, молите Бога о больном младенце (имя). Аминь.

МОЛИТВА О ДЕТЯХ КО ПРЕСВЯТОЙ БОГОРОДИЦЕ

О Пресвятая Владычице Дево Богородице, спаси и сохрани под кровом Твоим моих чад (имена), всех отроков, отроковиц и младенцев, крещеных и безымянных и во чреве матери носимых. Укрой их ризою Твоего материнства, соблюди их в страхе Божием и в послушании родителям, умоли Господа моего и Сына Твоего, да дарует им полезное ко спасению их. Вручаю их Материнскому смотрению Твоему, яко Ты еси Божественный Покров рабам Твоим. Матерь Божия, введи меня во образ Твоего небеснаго материнства. Уврачуй душевные и телесные раны чад моих (имена), моими грехами нанесенные. Вручаю дитя мое всецело Господу моему Иисусу Христу и Твоему, Пречистая, небесному покровительству. Аминь.

Господи Иисусе Христе, Сыне Божий, благослови, освяти, сохрани чадо мое силою Животворящаго Креста Твоего.


1816518901106414.html
1816557044963080.html
    PR.RU™